好日都唔踢下波... 一係唔踢, 一踢就出事= ="
爭波同人腳撞腳, 撞完仲要出哂血= ="
而家成隻腳腫哂....
堅係痛痛地...
好耐冇上過慈雲山喇,
俾我最大o既感覺係少左好多樹,
以前周圍好似係好多大樹...
而家都見唔番>w<
係上面食完野落鑽石山等夠鐘~
由於太多時間= ="
無聊得滯係油麻地行過去佐敦,
不過尋日天氣麻麻~加上多隻痛腳=[]=
之後都係搭車過去算....
係o個度周圍行, 中途有個不知名電話狂打黎但係都唔講野,
即刻諗起警訊個d騙案= ="
成晚足足打30幾次, 呢條友都有恆心喇.....
仲有成晚都可以同你一齊, 勁開心呀>w<"

剛剛過左個大年初一,
18年來第一次差唔多全日都係屋企~
一直以係男家o個邊o既親戚我都唔係好熟,
甚至可以係話冇咩溝通...
今晚o既晚飯同以往最大o既分別係,
今晚阿麻唔再坐係呢一圍上面,
份外覺得阿爺一臉倦容,
其實一直都知道到左呢個年紀,
相依為命已經係肯定,
少一個人可能係預計得到,
但係接受係有另一回事o既...
阿麻仲係醫院, 有冇好轉, 唔敢話有,
叫做有d希望啦.....
突然諗番起仲係我細細個o既時侯,
阿麻屋企好大, 足足夠所有人坐,
開到兩圍大枱, 阿爺可以一手一腳煮哂咁多人o既餸菜,
發財好市, 酸甜大蝦, 清蒸海上鮮....
味味好食~同係酒樓冇咩分別架~
阿麻o既笑聲, 一陣陣熱鬧o既感覺....
今晚...我只係覺得格外寒冷,
而且今晚都係我同阿麻都唔太鐘意食o既齋菜...®